‘AHO MONITE, 22 ‘O SUNE 2015
10:00AM
FALE ALEA ‘O TONGA
1. LOTU – FAKAFOFONGA FIKA 4 TONGATAPU
2. TALI UI
3. ME’A ‘A E ‘EIKI SEA ‘O E FALE ALEA
Meʻa talitali ʻe he ʻEiki Sea Leʻoleʻo ʻa e Houʻeiki Memipa mo fakamaloʻia ʻa e ngaue kuo lava.
Meʻa ʻa e Fakafofonga Nopele Ongo Niua ʻo kole ke ʻunuki mai ʻa e Lipooti ʻi he ʻAsenita 6.1 ke aleaʻi kae lava ke hoko atu ʻa e ngaue ʻa e Komiti ko ia. ʻI ai ʻa e poupou ki he fokotuʻu. ʻIkai ke poupou ki ai ʻa e Fakafofonga Nopele Fika 2 ʻo Haʻapai he ʻoku fiemaʻu ke hoko atu e ngaue ki he patiseti. Fokotuʻu mei he Fakafofonga Fika 15 ke hoko atu e ngaue he ʻasenita kae fakatatali atu ʻa e ʻasenita 6.1. Poupou ʻa e Palemia ki he fokotuʻu ʻa e Fakafofonga Fika 15 kae toki aleaʻi ʻa e ʻAsenita 6.1 ʻamui ange. Tuʻutuʻuni ʻa e ʻEiki Sea Leʻoleʻo ke tuku pe ʻa e ʻAsenita 6.1 ʻi hono tuʻunga kae hoko atu ʻa e ngaue he ʻAsenita.
4. LAO FAKAANGAANGA: Fika 5/2015 – Lao Fakaangaanga ki he ʻInasi Fakapuleʻanga ʻi he Fetongi Paʻanga Muli 2015
Lau ʻuluaki pea paloti ʻo tali. 17/0. Meʻa ʻa e Minisita Paʻanga ʻo fakamaʻalaʻala ʻa e Lao Fakaangaanga.
Lau tuʻo ua pea fokotuʻu ʻe he Fakafofonga Fika 15 ke tukuhifo ki he Komiti Kakato. Tali ia pea tukuhifo ki he Komiti Kakato.
5. KOMITI KAKATO
5.1 LAO FAKAANGAANGA KE FAKAHU ATU ʻA E PAʻANGA KI HE NGAAHI NGAUE ʻA E PULEʻANGA 2015/2016 (LAO FAKAANGAANGA FIKA 3/2015); FAKAMATALA PATISETI 2015/2016; FAʻUNGA PALANI LANGA FAKALAKALAKA ʻA TONGA 2015-2025; PALANI FAKAPOTUNGAUE 2015/2016
Hoko atu ʻa e femeʻaʻaki.
Vouti 19 – Potungaue Ngaahi Ngaue Lalahi
Meʻa ʻa e Fakafofonga Fika 12 fekauʻaki mo e peesi 29, fekauʻaki mo e PUMA, pea naʻe fai ʻa e lave ki he ngaahi kupuʻi lao fekauʻaki moia. Ko e PUMA naʻe ʻikai hano patiseti 13/14, 14/15 pea toki vaheʻi ki ai ʻa e 15/16 ko e 1.9m. Ko e PUMA ʻoku ʻi he malumalu ia ʻo e Minisita Fonua fakatatau ki he Lao koia ka ko ʻene patiseti eni ʻoku ʻi he Vouti ia ko eni. Tali mei he Minisita Ngaahi Ngaue Lalahi ko e lao eni he 2012 ka ʻoku ʻiai ʻa e ngaahi fepakipaki fakangaue pea ko e feinga eni ke fakasiʻisiʻi ʻa e feleleaki ʻa e kakai e fonua he ngaahi maʻu mafai. Ko e konga lahi e ngaahi lao ko eni ʻoku teʻeki ke liliu ia ke tatau mo e founga ngaue ke fakafaingamalieʻi ki he kakai e fonua. Meʻa ʻa e Fakafofonga Nopele Fika 1 Tongatapu ʻo tokanga ki he quality control ʻi hano fakatahatahaʻi ʻo hange koi a ʻoku meʻa mai ʻaki ʻe he Minisita. Fakapapauʻi mei he Minisita ʻe ʻikai ke uesia heni ʻa e quality control ia. Fehuʻi mei he Fakafofonga Nopele Fika 2 Haʻapai pe ko e Minisita Ngaahi Ngaue Lalahi ʻoku tuʻutuʻuni ki he ngaahi ngaue ki he ʻu ʻapi. Tali mei he Puleʻanga ʻoku ʻave pe ʻa e operational ki he Potungaue Ngaahi Ngaue Lalahi kae kei ʻi he malumalu pe ʻo e Minisita Fonua.
Meʻa ʻa e Minisita Ngaahi Ngaue Lalahi ʻoku hiki ʻa e patsieti ʻaki ʻa e $200K he ko e konga ʻo e taumuʻa ngaue ke fakakau mai ʻa tahi pea mo e poupou ki he pule lelei. Naʻe tanaki mai ai ʻa e kau ngaue ʻe toko fitu ki he ʻofisi ʻo e Minisita. Fehuʻi ʻa e Fakafofonga Nopele Fika 2 Vavaʻu ʻo kole ke veteki mai ʻa e detail ʻo e $228,900 ʻi he vahenga ʻi he sub programe ʻa e ʻOfisi ʻo e Minisita. Fakamaʻalaʻala mei he Minisita Paʻanga ko e vahenga ia ʻa e Minisita mo e kau ngaue kehe ʻe fitu pea ne fakaikiiki mai ʻa e kau ngaue ko eni mo ʻenau vahenga.
FALE ALEA (2PM)
Meʻa ʻa e ʻEiki Sea Leʻoleʻo ʻe toki mahino ha ngaue he efiafi ʻi he taimi 4pm.
KOMITI KAKATO
Hoko atu ʻa e femeʻaʻaki.
Vouti 19 – Potungaue Ngaahi Ngaue Lalahi
Tokanga ʻa e Fakafofonga Fika 12 ki he Vaʻa ko e PUMA (National Spatial Planning Authority) pea femeʻaʻaki ʻa e Houʻeiki ʻi he lao ki he PUMA pea ko e tokanga naʻa ʻikai lava lelei ʻa e fatongia hono sivi e ngaue. Fokotuʻu ʻe he Fakafofonga Fika 15 ke toʻo ʻa e konga ʻo e Vouti 19 ʻoku fekauʻaki mo e PUMA ʻo ʻave ia ki he Vouti ʻa e Potungaue Fonua. Peesi 179, 4, Sub-Program 2, Palani ki he Ngaahi Langa e Kolo (National Spatial Urban Planning), ko e 1.9m. Poupou ʻa e fokotuʻu. Kole ʻa e Palemia ke tuku mai muʻa ha taimi ke lele ai ʻa e ngaue ko eni pea ke tuku pe ʻa e PUMA he Vouti 19. Meʻa ʻa e Fakafofonga Fika 4 ko e meʻa pe ʻoku fai ki ai ʻa e tokanga ke vave ʻa e sevesi pea toe ʻalu ua mo e pule lelei.
FALE ALEA (4PM)
TOLOI ʻA E FALE ALEA KI HE 6PM.

Go to top