Fakamā’opo’opo Feme’a’aki Fale Alea

‘Aho: 26 ‘Akosi 2015
Tali ui

Poaki: Tokoni Palēmia, Minisita Ngaahi Ngāue Fakalotofonua & Minisita Tānaki Tukuhau & Lord Tu’i’afitu

Fusitu’a – fakamālo’ia tokoni Pule’anga ki he fakafolau mai pekia ‘a e Fakafofonga Pule’anga ‘i Niuafo’ou koe’uhí ko e ‘ikai ha me’a fakatolonga ai.

Tu’ilakepa – kole fakamolemole pē ki he fonua na’a ‘oku ‘i ai ha ngaahi me’a ‘oku hā atu ‘oku ngali ta’efe’unga mei Fale ni. Issues ‘oku ‘ohake ko e ngaahi me’a fuoloa. ‘Ikai lahi e business ‘a e Government of the day ‘e ‘omai ki Fale ni. Fu’u fiema’u ke ‘ata ki tu’a ‘a e ngaahi ngāue ‘a e Minisitā. Na’e me’a ki tu’a ‘aneafi koe’uhī ko e fiema’u ke ‘omai ha fakamo’oni ‘ene ngaahi me’a ne ‘omai ki he Fale, ‘a ia na’a ne ‘ohake ‘a e teu fakatau ‘o e ngaahi me’angāue mei Vava’u kā na’e fiema’u ‘e he Pule’anga ke ‘omai ha fakamo’oni, na’e ‘ikai 5 kilu kā tā koā ‘oku 1 miliona 7 kilu

Minisitā Ngaahi Ngāue Lalahi – Fakatonutonu ‘oku ‘ikai ko e 1.7miliona. ‘Oku hala e fika ‘oku ‘ohake.‘

‘Eiki Palēmia – Kuo pau ke fou mai e me’a kotoa he procurement pea ‘e ‘omai ki he Kapineti, he kuo pau ke fai ‘a e ngāue ki ai.

‘Eiki Sea – ‘Oku totonu ke fou pē he founga, ko e fehu’ia he na’e totonu ke ‘uluaki ‘omai ki he feitu’u na’e totonu ke ‘uluaki ‘ave ki ai, kā ‘oku ‘ikai.

Sea – ‘Oku lahi pē e ngāue ia ‘a e Fale, kā ‘oku mole ‘ene taimi he lahi e fefokifoki’aki.

Kapau ‘oku ‘i ai ha me’a ‘oku fiema’u ke fakamatala’i mai mei he pule’anga, ‘oku ‘i ai ‘a e taimi fehu’i oral or written he Tu’apulelulu uike 3 ‘o e māhina kotoa pē. Ke fehu’i ai ‘a e anga hono fakamoleki ‘e he Pule’anga ‘a e pa’anga Patiseti ‘oku vahe’i atu mei he Fale Alea.

Kōmiti Kakato-

Hoko atu feme’a’aki mo e ‘ikai ma’u ‘a e vausia hono ‘ave ‘a e $25miliona mei he Pule’anga ki he TongaSAT)..’Atita Seniale mālōlō hoko atu ‘aneafi. Peesi 27 palakalafi ua fakamuimui, na’e pehē ‘oku ‘ikai ma’u ‘a e vausia, kā na’e fakamā’opo’opo ‘eni ‘e he Minisitā lolotonga he taimi na’a ne hū ai ‘o Minisitā ‘o ne toki ma’u leva ‘e ia.

‘Ëke he Nōpele ‘Eua ha ‘uhinga ne ‘ikai ke ma’u ai pea ‘omai ‘o fakatonutonu’aki ‘a e līpooti ko ‘eni? Na’e pehē ‘e he ‘Atita Seniale ne fetō’aki eni ia mo e taimi ‘oku fiema’u ‘e he lao ke fai mai ai ‘a e līpooti. Na’e toe ‘eke ‘e he Nōpele Vava’u ‘oku totonu ke fakakau mai ‘eni ‘i he līpooti.

Pehē ‘e he‘e he Minisitā Pa’angaa ‘a e vausia.

Na’e lau mai ‘e he Minisitā Ngaahi Ngāue Lalahi ‘a e peesi 27 ‘o fekau’aki mo hono ‘ave ‘o e $25 miliona mei he Pule’anga ki he TongaSAT, ‘a ia ko e me’a ia ‘oku lolotonga fai ki ai ‘a e fetō’aki he Fale Alea, he na’e ‘ikai ma’u mai ‘a e vausia ia ‘o e fo’i pa’anga, kā na’e toki ‘alu atu ‘a e Minisitā Pa’anga ia ‘o e Pule’anga ‘o e taimi ni ‘o toki ma’u mai ‘a e fo’i vausia.

Fiema’u ‘e he Sea ‘o e Fale Alea mo e Palēmia Mālōlō ke tuku ā hono ‘ai e me’a ko ‘eni.

Minisitā Pa’anga – ‘Oku hangē ‘oku fetō’aki ‘a e ngaahi līpooti fakatatau ki he ta’u na’e hoko ai ‘a e me’a mo e ta’u na’e toki līpooti ai. Kole ‘e ia ke liliu’i ‘a e ki’i konga ko ‘eni ‘oku fai ai ‘a e fetō’aki.

Tukuaki’i ‘e he Fakafofonga Ha’apai ‘oku ‘ikai ke ngāue lelei‘aki ‘e he Potungāue ‘Atita ‘enau mafai ke nau feinga ke ‘omai ‘a e ngaahi fakamatala. Faka’ikai’i ‘e he ‘Atita ‘oku ‘ikai ke ai ha’anau mafai ke nau fekau’i fakamālohi’i atu ke ‘omai ha fakamatala.

Tongatapu 4 – ‘’Oku ‘i ai ‘a e lack he mafai ‘o e ‘Atita ke feinga’i mai ‘a e ngaahi fakamatala, he ‘oku ‘ikai ke ai ha mafai ia ‘o e ‘atita ke ala ki ai ‘o fakamālohi’i mai ha fakamatala kapau ‘e fufuu’i pē ‘ikai ‘omai ia ‘e ha potungāue. ‘Oku totonu ke fai ‘e he Fale ha me’a, pē ‘e ‘ave ha nifo ‘o e ‘Atita ke lava ‘o u’u.

Fiema’u ‘e Ha’apai 12, ke ‘uluaki ‘omai ‘a e līpooti ‘Atita ki mu’a pea fai ‘a e ‘Esitimeti, ke depend mei ai ‘a e anga hono vahevahe ‘o e Patisetii.

Mālōlō

Ne fokotu’u ‘e he Fakafofonga ‘o Ha’apai 13 ke fakamāsila’i e nifo ‘o e ‘Atita ke lava ke fai ‘enau ngāue. Ne fakatonutonu ‘e he fakafofonga ‘o Vava’u 15 ke ‘oua ‘e tukuaki’i e Pule’anga motu’a pea ke ne tuhu’i mai e peesi moe potungāue kae ‘oua e tukuaki’i e Pule’anga motu’a. Ne fokotu’u ‘e he Nōpele Fika 2 ‘o Vava’u fakafoki e līpooti ki he potungāue.

Ne tali ai pe ‘e he Fale ke fakafoki ‘a e līpooti ‘a e Potungāue ‘Atita ki he Potungāue ke nau fakalelei’i pea ke toki fakafoki mai ki he Fale Alea.

Ne hoko atu ai pē ki he līpooti ‘a e Pangikē Pule ‘a Tonga ni. Hili e fakama’ala’ala ‘a e minisita Panga ne me’a mai e Palemia ‘o fakaha ‘oku lahi pe pa’anga ‘a e Pangikē pea ‘oku manavasi’i ‘a e ngaahi pisinisi ko e ma’olunga e ngaahi interest. Ne tokoni mai e Fakafofonga Fika 3 ‘o e Hou’eiki Nōpele ‘o Tongatapu ne ‘osi fakamafai’i ‘e he Lao ne tali he ta’u kuo ’osi ke ‘i ai e mafai ‘o e pangikē pule ke ngāue ki he ongo pangikē fakakomēsiale. ‘Oku ‘ikai ke fie no e kakai koe ma’olunga e interest pea moe effective rate.

Ne fakamālō e Palēmia ki he tokoni pea ne kole ai ki he Pangikē Pule pea mo e Minisitā Pa’anga ke fai ha ngāue. Ne fokotu’u ai pē mo fakamanatu ki he Palēmia koe’uhī koe miniti ke tonu ko e Palēmia ko ia ‘oku Palēmia kae ‘ikai ko e Fakafofonga Fika 3‘o e Hou’eiki Nōpele ‘o Tongatapu. Ne fokotu’u ‘e he Fakafofonga ‘o e Kakai ‘o Ha’apai 12 fēfē ke ‘omai e pa’anga ko ia ki he Pangikē Fakalakalaka ke tokoni’i’aki e kakai. Ne poupou ki heni ‘a e Fakafofonga Fika 2 ‘o e Hou’eiki Nōpele ‘o Vava’u.

Ne fakahā ‘e he Fakafofonga Fika 4 ‘o Tongatapu ko e pangikē pē ‘oku sio ki ai e ngaahi pisinisi Tonga he ko e ngaahi pisinisi muli ia ‘oku tokoni’i nautolu ia ‘e he’enau ngaahi pisinisi kehe ‘i muli. Ne fokotu’u ai ke fakafaingofua ki he kotoa ‘o e ngaahi pangikē kae ‘oua ‘e tuku pe ki he pangikē pē ‘e taha kae lava ke mo’ui e ngaahi pisinisi. Ne toe poupou e Fakafofonga ‘o Vava’u 15 mo ne fokotu’u ke fakapa’anga ‘a e Pangikē Fakalakalaka kae lava ke holoki ‘ene interest kae lava ke nau fe’au’auhi pea moe ngaahi pangikē kehe.

Mālōlō

Ne fakamalanga ‘a e Fakafofonga ‘o e Kakai ‘o Tongatapu 9 fekau’aki mo e kautaha nō ‘oku nau ‘i he Pangikē Fakalakalaka pea toe tuku atu ia ki he kakai ‘i ha pēseti mā’olunga. Ne me’a mai e ‘Eiki Minisitā Pa’anga koe 5 kilu ia kuo ‘ave ki he pangikē ke fai’aki ‘enau polokalama nō ki he ngaahi pisinisi iiki. Ne fakahā mai leva ‘e he Fakafofonga ‘o Vava’u 15 ne fai fetu’utaki ki he Kōvana ‘o e Reserve Bank pea ‘oku nau fai e ngāue ki hono siofi ha founga ke leva’i’aki e interest rate.
Ne fokotu’u mai leva ‘e he Palēmia ke hanga ‘e he Reserve Bank ‘o ‘omai e ngaahi fakamatala panga mo e tupu ‘a e ngaahi pangiē. Ne kole ke lotolahi e fonua ke ‘oua ‘e toe tuku ke ‘ova he 2 miliona ha tupu ‘a ha pangikē pea ke fai ‘e he fonua ha me’a. Ne me’a mai e Nōpele ‘o ‘Eua pē koe kole mai ‘a e Palēmia kia nautolu ko nautolu ia ‘oku nau kole ki he Palēmia he ko nautolu ‘oku ‘i ai e mafai.

Ne fakamalanga e Fakafofonga ‘o Ha’apai 12 fekau’aki mo e fe’au’auhi he pisinisi kā ne tokoni mai e Palēmia ko e tali motu’a ia he kuo nau ‘osi femahino’aki nautolu ia ke nau pukepuke ‘a e rate ‘i ‘olunga. Ne fokotu’u atu ‘e he Fakafofonga ‘o Ha’apai 12 ke to’o ‘a e 2 miliona ‘oku fiema’u ke show kae tu’u ha pangikē koe’uhī kae lava ke fokotu’u pangikē ‘a e kakai Tonga.

Ne hoko atu e Fakafofonga ‘o Tongatapu ‘o ne fakamamafa’i ko e Pangikē Pule ‘oku ne mafai ki he ngaahi pangikē faka-komēsiale. Ko e ngaahi pangikē ‘i he lolotonga ni ‘oku nau pule aoniu ‘i he fonua ni pea ko e kakai pisinisi Tonga ‘oku faka’ofa. Ko e hū mai ‘a e ngaahi pisinisi muli te nau ‘ave ‘enautolu ia e ngaahi pisinisi ‘oku puke e he pangikē pea ko e pa’anga ia ko ia ‘oku ‘alu ia ki muli.

Ne poupou ‘a e Fakafofonga ‘o Ha’apai 12 ki he me’a ‘a e Palēmia kā ‘oku ne tui ko e ‘uhinga ‘oku seti pehē ai ‘e he ngaahi pangikē hono totongi tupu kae lava pe ‘uhinga ke nau puke ai ha kelekele. Ne me’a mai e Minisitā Lao ‘e lava pē ke fai ha’anau talanoa ke seti ‘a e ma’olungataha ‘i he rate kā te nau sio ki ai pea mo e Reserve Bank.

Ne me’a mai e Fakafofonga Fika 3 ‘o e Hou’eiki Nōpele ‘o Tongatapu ko e effective rate ‘oku tonu ke fai e sio ki ai. He koe ngaahi totongi ia ‘oku fakapulipuli.

Ne me’a mai e ‘Eiki Nōpele Fika 1 ‘o Tongatapu ko e Pangikē Pule ‘oku nau fakama’anu hotau vaka pea ke ‘i he tu’unga faka-tu’apule’anga. Ne hoha’a ‘a e ‘Eiki Nōpele koe’uhī na’a a’u ki ha taimi ni kuo ala mai e Pule’anga ‘o pule’i ‘a e Pangikē Pule ‘o uesia ai e vā mo tu’apule’anga.

Ne me’a mai a e ‘Eiki Nōpele ‘o ‘Eua fekau’aki pea mo e fe’aveaki pa’anga kākā ‘a ia ‘oku hā mai he līpooti ‘oku kei hā mai pē. Ne me’a mai e ‘Eiki Minisitā Pa’anga ‘oku fai e fengāue’aki pea mo e Potungāue Polisi ki he me’a ni. Ne fakama’ala’ala ‘e he Minisita Pa’anga ko e tupu ‘a e ngaahi pangikē ‘oku ‘i he meimei pēseti pē ‘e 2.3 pea ‘oku meimei ko e 12 miliona e tupu ‘enau ngaahi pangikē. Ne ‘ikai ke tui ‘a e ‘Eiki Minisitā Pa’anga ia ki he tupu 3 miliona ‘a e ngaahi pangikē he ‘oku nau tānaki nautolu ia he ngaahi feitu’u kehekehe.
Mālōlō

Ne hoko atu ai pē feme’a’aki ‘i he līpooti ‘a e Pangikē Pule pea ne fakamamafa’i ‘e he Minisitā ki he Ngaahi Ngāue Lalahi mo e Takimamata ko e paloplema ‘oku fekuki mo e fonua ‘oku ‘i ai e palopalema ‘i he fokotu’utu’u ngāue he fonua ni pea ‘oku ‘ikai ke ne tukuaki’i ‘e ia e ngaahi pangikē he ko e pisinisi kinautolu ia.
Ne tokoni mai e Palēmia ko e tupu faka’ekonōmika ko ia ‘a e fonua ‘oku ‘ikai ke ‘omai ‘e he tupu pēseti ‘e 2.9% ‘a e ‘imisi totonu he ‘oku nusi fakataha pē ‘a e tokoni ia mei muli mo e ivi totonu e fonua. Kā ‘oku ‘fiema’u ke to’o e tokoni mei muli kae lava ke ‘ilo’i e ivi totonu ‘o e fonua. Ne fehu’i ‘e he Minisitā ki he Fale pe ko e hā ‘enau me’a ‘e fai ke tokoni ki he kakai e fonua pea ne tokoni mai e Fakafofonga Fika 4 ‘o Tongatapu ‘o pehē ko e fale fa’u lao eni ia pea kapau e fiema’u ‘e he pule’anga ke fa’u ha lao ke ‘i ai ha ombudsman ki he ngaahi kautaha pangikē.

Ne fai e feme’aki pea fakatonutonu ‘a e ‘Eiki Nōpele ki he Minisitā ki he Ngaahi Ngaue Lalahi koe’uhī ko ‘ene me’a ke hanga ‘e he Pule’anga ‘o pamu ha ngaahi me’a ke fakamo’ui’aki e fonua, kā ne me’a ‘a e ‘Eiki Nōpele ‘oku hala ‘a e fonua ia ha koloa ke hangē ko ‘Initia mo e ngaahi fonua ‘oku fakatātā ki ai e ‘Eiki Minisitā.

Ne fai e feme’a’aki koe’uhī ko e ‘ikai ha misini toho pa’anga ‘i Ha’apai mo ‘Eua pea ne tokanga e Minisitā ki he Ngaahi Ngāue Lalahi ko e faingata’a ki he kau folau ‘eve’eva ke nau folau ki he ongo motu ni koe ‘ikai ha misini toho pa’anga ai.

Toloi Fale Alea ki ‘apongipongi Tu’apulelulu 27 ‘Akosi 2015

Go to top