Fakamā’opo’opo Feme’a’aki Fale Alea

‘Aho 3 Sepitema 2015

Hili e poupou mei he ‘Eiki Sea Leóleó ki he Hou’eiki Mēmipa ne fakahoko mai ha fakamalanga mei Tongatapu 9 fekau’aki moe tokanga mei Lavengatonga pea moe tata ‘o e ‘one’one ‘oku fakavalevale he kuo kamata ke ‘auhia mo e kelekele. Ne kole ai pe ‘e he Fakafofonga ke faka’atā ‘a ‘ene tohi Fokotu’u Tu’utuúni fakatatau ki he  kupu 77 ‘o e Tohi Tu’utu’ni.

Ne me’a mai e Nōpele fika úluaki ó Tongatapu koe’uhíko ‘ene hoha’a ki he teu fakamo’oni huafa ‘a e Tama Tu’i ki he SDGs pea ne tokanga he ‘oku te’eki ai ke ‘omai ha ngāue ki he Fale Alea ke fai ha ngāue ki ai ‘a e Kapineti. Ne me’a mai e ‘Eiki Minisita Lao ‘o fehu’i pe ko e lao fē ia ke ‘omai ki Fale Alea pea ‘oku ‘ikai ke tu’utu’uni atu e Fale Alea ki he ‘Ene Áfio. Ne tokoni mai e Fakafofonga ‘o Vava’u 15 ‘o ne fakamamafa’i ko e founga ngāue pē ia pea ne kole ki he Puleánga ke tuku mai ke fai ha talanoa ki ai ki he SDGs ke ‘ilo ki ai e kakai ‘o e fonua.

Ne me’a mai ‘a e Minisita Pa’anga fekau’aki mo e kaveinga ne tokanga ki ai e Nōpele fika ‘uluaki ‘o Tongatapu. Ne me’a ‘a e Minisitá ko e kaveinga lahi ke ‘oua ‘e li’ekina ha taha he fakalakalaka pea fakamalumalu ai e ngaahi kaveinga ‘e tolu kau ai e feliuliuaki e ‘ea, kau katoa he ngaahi faingamalie (social inclusive). Pea ko e fakataha ‘i Sepitema óe taú ni ko hono fakapapau’i ia ‘o e ngaahi kaveinga ko ia ‘a e SDG.

Ne me’a mai e Fakafofonga Nōpele ‘o ‘Eua ko ‘ene tokanga ki he fiema’u ke fai ha femahino’aki pea mo e kakai ‘o e fonua ki mu’a pea toki fai e fakamo’oni ki he SDG. Ne me’a mai e Minisita Tānaki Pa’anga Tukuhau ‘o fakamamafa’i ko e ngaahi kaveinga ko ia he SDG óku ‘i loto pē ia he Ngaahi taumuá Ngāue ‘a e Puleánga. Ne fakahā mei he Fakafofonga ‘o Tongatapu 4 fekau’aki moe poloklama mo e fakataukei ki he kakai e fonua. Kapau ‘oku ‘ikai ha ngāue pe fa’ahinga tuutu’uni ‘e kapa e fonua pea ‘oku totonu ke tuku ke ilo ki ai e kakai. Ne poupou ki heni e Fakafofonga fika 9 ó Tongatapu ‘ene fiema’u ke ‘omai mei he Pule’anga e ngaahi fakamatala ke nau tomu’a ma’u kae ‘oua te nau toki fanongo talanoa.

Ne hoko atu ai pe ‘a e Minisita ki he Ngaahi Ngāue Lalahi ‘o ne fakahā ko e mo’oni ne ‘i ai e meimei fakatu’utāmaki ka ‘oku kei fai e ngāue pea m oe kole ki he PASO ke nau tokoni ki he fakatotolo ‘oku fai. Ne hoko atu e Minisita ki he Ngaahi Ngāue Fakalotofonua koe’uhi ko e toko 7 kuo ma’u honau faingamalie ke nau folau’o vaínga mo ako ‘i Nuúsila pea fakafiefia ‘oku kau ai moe toko 2 fefine ‘oku na ako mo va’inga netipolo. Ne hoko atu e ‘Eiki Nōpele fika ua ‘o Vava’u ‘ene kole ke fai hano tokangaekina e ‘Íkale Tahi he ‘e tokoni ‘enau ngāue ki he Minisita Takimamata. Na’a ne kole ke mateuteu he ko e Ipu ‘a Māmani ko e mahiná ni pe.

Break>>>>>>>>>>

Ne me’a mai e Fakafofonga Nōpele fika ua ‘o Vavaú fekau’aki mo e ‘Ikale Tahi ke fai ha tokoni. Ne hoko atu e ‘Eiki Nōpele ki he ako ke fai ha tokanga ki ai he na’a ne fehu’i ki he Palēmia ‘a e hoha’a fekau’aki mo e foomu 7. Ne fai e femeá’aki he ‘akapulu pea ne fakahoko ‘e he fakakfonga ‘o Tongatapu 2 ko e tokoni ke fai e tokoni ki he ‘Íkale Tahi pea ‘oku poupoua eni ‘o kamata mei he Fale ‘o e Tu’i. Ne fakahā mei he Minisita Tānaki Pa’anga ‘oku ‘atā ki he ngaahi pisinisi ke nau tokoni ki he ngaahi sipoti pea ‘e ‘atā ke nau tokoni ‘aki e pēseti ‘e nima ‘enau tupu pea ‘e to’o ia mei he’enau tukuhau.

Ne me’a mai e Minisita Tānaki Pa’anga ko e taha miliona óku íkai ko ha pa’anga lahi ia pea ‘e toe tokoni mo e Minisita ki he Ngaahi Pisinisi ke tokoni ki hono fakamafola ‘o e ngaahi tau. Ne poupou m oe fika 15 ó Vavaú pea ne fokotuú ki he Puleánga ke nau fakahū mai ai leva ha Lao ke hiki hake mei he pēseta ‘e 5 ki he 10. Ne kole ‘a e Fakafofonga ‘o Ha’apai 12 na’a lava ke ‘ai ha fu’u pou kae lava ke mamata e kakai he televīsone ki he fe’auhi ‘akapulu Ipu ‘a Māmani.

Ne toe hoko atu e fakafofonga ‘o Haápai 12 ki he kole visa folau ‘eve’eva ki Ámelika ke ‘omai ha vā ke fakafaingamalie’i e feinga ‘a e kakai. Ne fehu’ia ‘e he Fakafofonga fika 4 ‘o Tongatapu he ‘oku ne ma’u e fakamatala ‘oku íkai ke totongi ha pa’anga ia ki muli he ‘oku ta’etotongi pe ngaahi taú ia. Ne fakahā ‘e he Minisita Takimamata ‘oku fai e teuteu ki he ‘aho 18 ‘e fai  katoanga he uafu ko Vuna. Ne fai e feme’a’aki pea ne aofangatuku e Sea Le’ole’o ke fokotu’utu’u e he Fakafofonga fika ua ‘o Tongatapu kae toki līpooti mai  ki he Falé.

Ne toloi ai e Fale ki he pongipongi Mōnite 7 Sepitema 2015.

Go to top