‘Aho Pulelulu 16 Sepitema 2015
1000 pongipongi
Fale Alea ‘o Tonga

Hili ‘a e lotu pea mo e tali ui ne me’a mai ai e ‘Eiki Sea ke lau ‘a e tohi fakaafe folau ki he fakataha ‘i Niu ‘Ioke. Hili ia ne me’a mai e fakafofonga Nōple fika ‘uluaki ‘o Ha’apai ‘o fokotuú koe’uhí koe mahu’inga e fatongia ‘o e ‘Eiki Nōpele ‘i he Kōmiti ki he Ngaahi Totonu ‘a e Fale Alea pea ne fokotu’u ha taha ‘i he Kōmiti ‘a e Fale Alea ki he Tupu Tokolahi. Ne me’a mai mo e Nōpele fakafofonga ‘o Niua ‘oku ‘ikai ke uesia e ngaue ia ‘a e Kōmiti he folau pea ne fakatonutonu ‘e he Nōpele ‘oku lahi e ngāue pea ‘e fie ma’u ke ‘i heni.

Ne fokotu’u ai pe ‘e he Sea ‘o e Fale Alea ‘a e Fakafofonga fika ua ‘o Tongatapu ke ne fetongi ‘a e Nōpele ó Niua pea ne pāloti’i ‘o tali ‘i he loto ki ai ‘a e toko 16 pea ‘ikai ha fakahā loto ‘a e toko taha.

Ne hoko atu ai pe ki hono lau ‘o e Līpooti fika ‘uluaki ‘a e Kōmiti ki he Tupu Tokolahi 2015. Ne me’a mai e ‘Eiki Minisita Mo’ui koe sea ‘o e Kōmiti Tu’uma’u ‘o ne pehē kuo ‘osi ‘i ai e ngaahi tokoni mei he UNFPA, he ko e taha e ngaahi kaveinga ‘oku fai ki ai e tokonga ke fenāpasi pe ‘a e tupu tokolahí pea mo e fakalakalaka.

Ne fakatonutonu mei he Fakafofonga Nōpele fika ‘uluaki ‘o Vava’u ko e Kōmiti Tu’uma’u eni ‘a e Fale Alea kae ‘ikai ko e Kōmiti á e Potungāue Mo’uí.

Ne hoko atu ki he fakafofonga fika 4 ‘o Tongatapu koe’uhí ko e taimi ko ia ke fakahoko ai hono fakangata e pa’anga motu’a. Pea ne meá mai e Minisita Pa’anga ke tukuange ke fai e ngāue ki ai.

Ne me’a mai ai e Sea ke tukuhifo pe Līpooti á e kōmiti ki he Tupu Tokolahi ki he Kōmiti kakato.

Ne me’a mai e Palēmia ‘a ‘ene fakamālō ki hono tauhi ‘o Nuku’alofa ke ma’a pea ne kole ai pe ki he kakai ke kei hokohoko atu ai pe ‘enau ngāue fakama’a ko iá. Ne me’a ‘a e Sea ‘o ne fakamālō ki he Minisita Takimamata ‘i he ngāue lahi na’a ne fai ki mu’a he Hilifaki Kalauni.

Ne meá mai e Minisita ki he Takimamata koe’uhí ko e Falaite ‘o e uike ni ‘e fai fakafiefia’i e teuteu ki he tau ‘a e ‘Ikale Tahi. Pea ne fakaafe’i ki ai e kakai e Fale Alea pea moe  kakai e fonuá. Ne fehu’i ‘e he Palēmia pe ‘e lava ke hulu ha fo’i tau ha lā lahi ‘i Pangai Si’i  pea ne me’a e minisita ‘io.

Ne me’a mai e Minisita Mo’ui koe’uhi koe tokoni lahi e kakai e fonuá ki he polokalama ne lava mai ai e fo’i timi tafa mafu ko e toko 49 ne nau tafa ‘a e toko 30 pea ‘oku fakahaofi ai e pa’anga lahi ‘a e fonuá pea tenau toe ‘a’ahi mai he 2017. Ne fehu’i ‘e he Fakafofonga ‘o Haápai 13 pē ne kau mo Ha’apai ai, ka ne me’a mai e Minisita ne kau kotoa pe ‘a e kakai ‘o Tongá ni ‘o fakatatau ki he femahino’aki pea mo e timi tafa mafu ko eni.

Ne me’a mai e ‘Eiki Sea ‘oku tonu ke fai hono fakamālō’ia ‘o Nu’usila mo ‘Aositelēlia.

Ne meá mai e Sea ó e Kōmiti Kakató ‘o ne fakamālō koe’uhí ko e feinga pa’anga ne fakahoko ‘o tānaki ai e pa’anga ki he fānau va’inga ‘o e ‘Ikale Tahi. Ne mahu’inga’ia ‘a e Fakafofonga ko e holoki e ngaahi ā vahevahe. Ne feúnga moe pa’anga  é $79719 pea ‘oku fika 32 ‘aki ‘a e tokotaha ko Vaiomo’unga.

Ne fokotu’u ai pe ‘e he Fakafofonga Nōpele fika úluaki ó Vava’u ke fakafofonga’i ‘e he Fakafofonga fika ua ‘o Tongatapu ke ne fakafofonga’i e Fale Alea. Ne fokotu’u ai pe ‘e he Nōpele e fika ua Tongatapu ke me’a atu mo e ‘Eiki Minisita ke na fakafofonga’i e Fale Alea. Ne me’a mai e Tokoni Palēmia pea ‘oku fai e ngāue ki he fakatonutonu ki he Lao pea ke ‘oatu mo e taha kilu tupu ki he vahe ‘a e fānau va’inga ‘o e ‘Ikale Tahi.

Break>>>>>>>

Ne liliu ‘a e Fale ‘o Kōmiti Kakato ‘o kamata’aki e feme’aá’ai ki he Tohi Tangi fika 14/2015. Ne me’a ‘a e ‘Eiki Nōpele Fika ‘Uluaki ‘o Tongatapu ko e Sia Heu Lupe pea mo e Paepae ‘o ‘Aho’eitu pehē ki he ngaahi hala tanu ko e koloa mahu’inga eni. Ne fakamahino ne fa’u ai e Sia Heu Lupe ‘e he kau tufunga ‘o e kuohili ‘o fakatatau ki he hu’a mo e mamaha ‘a e tahi. Ko e ngaahi sia ‘e 8 ne kei tu’u pea ‘oku fie ma’u ke fakatolonga. Koe tohi tangi ia ko eni ‘oku kau mai ki ai e kakai mei muli. Ka ne me’a mai e Minisita ki he Ngaahi Ngāue Lalahi mo Takimamata kuo ‘osi fai e ngaue ‘a e Pule’anga ki hono fakalelei’i ‘o e ngaahi feitu’u fakahisitōlia pea ‘oku kau ai moe feitu’u ko eni ‘oku fai ki ai e tohi tangi pea ‘oku kau ki ai e ngaahi ‘esi.

Ne fakatonutonu ‘e he fakafofonga ‘o Tongatapu fika 4 ko e poini kehe ia pea ko e me’a ‘oku tokanga ki ai e tohi tangì ko e vahe ko ia ‘o Patangata. Ko e me’a ‘oku tokanga ia ki ai e Fakafofongá ko e kakai ‘oku nau kei mo’ui kae ‘oua mu’omu’a ange ‘a e me’a mate he laumālie ‘o e kakai. Ne me’a mai e Minisita ko e konga ko ia ‘oku fai ki ai e tokanga ia ‘oku ‘ikai ha taha ia ‘e nofo ia ai. Ne poupou e Minisita ki he Ngaahi Ngāue Lalahi mo e Takimamata ke ngāue’i mo fakatolonga e konga ‘oku ‘ikai ke nofo’i e he kakai.

Ne fehu’i ‘e he Fakafofonga Nōpele ‘o ‘Euá koeúhī kuo ‘osi vahe ‘a e Ha’amonga ia. Ne fakamālō ‘a e Fakafofonga fika ‘uluaki ‘o e Houeiki Nōpele ‘o Tongatapu fekau’aki moe poupou ‘a e Minisita ki he Ngaahi Ngāue Lalahi mo Takimamata.

Break>>>>>>>

Ne kamata’aki ha me’a ‘a e Minisita ki he Ngaahi Ngāue Lalahi mo Takimamata ‘ene me’a kuo kamata pea maau e teuteu ki he Falaité pea ne kole teunga kula kotoa ki ai pea ‘e ‘i ai mo e screen ke hulu’i ai e taú.

Ne liliu ai pe ó Kōmiti Kakato pea Sea ‘a e Nopele fika ‘uluaki ‘o Ha’apai. Ne hoko atu ai pe ki he tohi Tangi fika 5 pea hoko atu ai pe me’a ‘a e ‘Eiki Nōpele fika ‘uluaki ‘o Tongatapu. Ne fakamamafaí ‘e he ‘Eiki Nōpele ko e koloa pe mo hono mahu’inga. Na’a ne ‘ilo’i ko e tofi’a eni ‘o Tuíhanai(Kinikinilau Fakafanua) ka ko eni kuo toki ‘ilo hake ko e tofi’a eni ia ‘o e Puleánga. Ne me’a mai e Minisita ki he Ngaahi Ngāue lalahi mo Takimamata ne toe kau mo e feituú ko Talahele ‘i he fai’anga Heulupe (Leimātuá). Ne me’a mai e ‘Eiki Nōpele ‘oku makatu’unga ‘a e faka’amu ke hoko atu e ngaahi ngāue ki ai pea ne me’a mai e Palēmia ‘e lava pe ke hoko atu e ngāue ia ke lava pē ke nofo pē kakai pea ke hoko atu e ngāue ki hono malu’i e ngaahi Sia Heulupe.

Ne me’a ‘a e Nōpelé ‘oku te’eki ai ke ‘omai ha tohi tangi ia mei he kakai tu’umālie ‘i he ‘iló pea mo e monū’ia ‘a e fonua ni ‘oku kei tu’u ‘o a’u mai ki he taimi ni. Na’a ne me’a ‘o pehē ko e konga ‘api ‘oku tu’u ai e fo’i Siá ‘oku fai ki ai e tokanga, kuo ‘osi vahe ‘apì ia.  Ne me’a mai e Palēmia ne ‘osi ‘i ai e tali ‘a e Minisita Fonua, ne ‘osi tali e vahe ‘o e konga ko eni pea ne kole ke tuku ange ki he Puleánga ke fai haánau ngaue. Ne fakahā ‘e he Nōpele ‘oku faka’apa’apa pē ia ki he Palēmia ka koeúhì ko e tohi mei he kakai ko eni ‘oku íkai ke nau fiemalie. Ne fakamālō pe ‘a e ‘Eiki Nōpelé koe’uhì ko e me’a ‘a e Palēmia ka ‘oku ne tokanga pe ia he ko hono fatongia pe ‘o’ona ke fakaa’u mai e le’ó e kakai. Ne me’a mai e Palēmia ke pehē kuo ‘ikai ke loto e Pule’anga ki he’enau tohi tangi. Ne kole ke hoko atu pe ngāue ki ai. Ne faka’osi’aki ‘e he ‘Eiki Nōpele fika ‘uluaki ‘o Tongatapu ‘ene kole ke manatu ko e ‘aho ni óku tau lelei ko e kuohilì.

Ne fakahā ‘e he Fakafofonga ‘o Ha’apai 13 ‘oku ne tui ia ko e taumu’a e tohi tangi ia ko eni koe’uhì ko e hoha’á ki he Palēmia. Ne fakatonutonu mai ‘e he ‘Eiki Nōpele fika ‘uluaki ‘o Tongatapu ne ‘osi ‘i ai e tu’utu’uni ‘aneafi ki he kakai ko eni ke nau hiki ka ne ‘ikai ke nau hiki kinautolu ia.  Ne me’a mai e Fakafofonga Nōpele fika ua ‘o Vava’u ‘a ‘ene poupou ke faka’apa’apa’i e loto mo e fakakaukau ‘a e kakai ko eni. Ne hoko atu ai mo ‘ene kole ke nau ngāue fakataha pea ke nofo pē kakai pea kei fakahaofi pe mo e tukufakaholo.

Ne hoko atu ki he Fakafofonga Nōpele ‘o ‘Eua ‘a ‘ene tokanga na’a mole e ngaahi koloa mahu’inga ka ne fehu’i ‘e he Palēmia pe ko e hā hono loto ke fai ‘e he Pule’anga pea ke ‘oua ‘e hoha’a he ko e me’a ‘oku tokanga ki ai e pea ‘e fakatolonga e me’a ia ‘oku nau tokanga ki ai.

BREAK>>>>>>

Ne hoko atu he meá á e Nopele Éua pea ne fakatonutonu mai ‘e he Palemia kuo nau ‘osi tali e mea ne fai ki ai e kole pea kapau é í ai ha niíhi ai pea ke nau hiki ki ha feitu’u kehe. Ne kei tu’uma’u pe Nopele ‘Eua ‘i he’ene fakatokanga telia na’a muimui atu ‘a Tonga ni he ngaahi fonua muli. Ne tokanga ‘a e Fakafofonga ‘o Tongatapu 9 ‘a ‘ene fakamamafaí ‘a e mahu’inga ‘o e kakai pe koe matelie pea ne fokotu’u ai pe ke ‘oua ‘e tali e tohi tangi ko eni.

Ne me’a mai mo e Nōpele fika ua ‘o Ha’apai ki he kakai ko ia ne nau tohi mai he tohi tangi. Ne tokoni mai e Fakafofonga ‘o Tongatapu 4 koeúhī ko e kakai ko eni ‘oku ‘i hono vāhenga.  Ne fakamalanga ai e Fakafofonga ‘o ngaue’aki ‘a Mātiu vahe 4.  Ne faka’osi’aki ‘ene pehē ‘e ‘ikai mole ‘a Tonga ia, pea ne fokotu’u kuo mahino e ngāue ia a e Pule’anga pea ne fokotu’u ke ‘oua ‘e tali. Ne fakamālō ‘a e Fakafofonga Nōpele ki he Palēmia koe’uhī kuo mahino mai ‘e fakatolonga e feitu’u ko eni. Pea kei mahu’inga pe ke fakatolonga ‘etau tala tukufakaholo.

Ne fakahoko mai e ki’i fakalelei mei he tafa’aki ‘a e Pule’anga ‘oku nau tali ke fai e fakatolonga kae ‘oua ‘e hiki e kakai. Ne fakahā ‘e he Fakafofonga ‘o Vava’u 15 ne fakahā ange ‘e he Tokoni Palēmia ‘e faka’atā pe feitu’u ia ko eni ‘oku tu’u ai e ngaahi sia heu lupe.  Ne fokotu’u ke tali pe tohi tangi kae ‘ave pe ki he Puleanga ke nau fakapapau’i ‘oku fai pe ‘enau ngāue ki ai. Ne poupou pea ne fakama’ala’ala pe ‘e he Sea ‘o e Kōmiti Kakato ko e me’a ko ia ‘e loto ki ai e Puleanga te nau fai pe ia ‘e kinautolu he ‘oku ‘ikai ke tu’utu’uni atu eni ia ka ko e ‘oatu pe he kuo nau ‘osi me’a mai ‘e fai pe honau lelei taha. Ne pāloti pea ne tali ia he loto ki ai ‘a e toko 15 pea ta’eloto ki ai e toko 2 ke tuku pe ki he Pule’anga.

Ne hoko atu ai pe ki he Līpooti ‘A’ahi faka-Fale Alea ‘a Tongatapu 10. Ko e kolo ‘e 11 mo e motu ‘e taha ‘oku kau ki Tongatapu 10.
Ne liliu ‘o Fale Alea ka ne kole ‘e he Palēmiá  ke fakama’ala’ala ‘ene me’a fekau’aki mo hono tuku fakatafa’aki e Lao , ko ‘ene ‘uhinga ke fakatatali e ngaue’aki e Lao mo fale hopo kae tomu’a fai ha fakatalatalanoa. Ka ne fakamanatu ‘e he Sea ki he Hou’eiki Mēmipa ke nau toe tokanga ange ki he ngaahi lea ‘oku nau ngaue’aki he ‘oku ‘alu he ‘ea ‘a e ngaahi feme’a’aki.

Ne līpooti ai pe ‘a e Sea Kōmiti Kakato. Ke tali e tohi tangi pea ke tuku atu ki he Pule’anga ke nau ngāue ki ai. Ne pāloti pea ne tali he loto ki ai ‘a e toko 16 pea ‘ikai loto ki ai ‘a e toko 1.

  

Go to top