Fakamaópoópo ó e Ngaahi Femeááki í he Fale Alea ó Tonga
Áho 20 ó Ókatiopa 2015
10:00AM

Hili á e lotu ne tataki é he Éiki Palemia mo e taliui ne meá mai ai pe á e Éiki Sea ó e Fale Alea ó talitali á e Houéiki Memipa.

Ne lau úluaki e lau Lao Fakaangaanga (Fakatonutonu) ki he Ngaahi Hia pea loto toko 16 pea íkai loto ki ai e toko taha.

Ne hili á e lau hono ua ne fokotuú é he fakafofonga ó Vavaú 15 ke tukuhifo ki he Komiti Kakato pea ne tali ia ke tukuhifo.

Ne lau úluaki mo e Lao Fakaangaanga (Fakatonutonu) ki he Fakamaauánga Polisi 2015 pea ne loto ki ai e toko 15 pea íkai ha fakahaloto ki ai.

Ne lau tuó ua á e Lao Fakaangaanga pea ne kole é he Fakafofonga Nopele ó Éua ke tukuhifo ki he Komiti Kakato ke fakamahino mai pe.

Ne lau úluaki mo e Lao Fakaangaanga (Fakatonutonu) Ki he Fakamoóni 2015 pea ne tali ia he loto ki ai á e toko 14 pea íkai loto ki ai e toko 1.

Hili á e lau hono ua ne fokotuú é he Fakafofonga Fika 4 ó Tongatapu ke tukuhifo ki he Komiti Kakato pea ne tali ia.

Ne lau úluaki ai mo e Lao Fakaangaanga (Fakatonutonu) ki he Puleí ‘o e Ngaahi Faitoó Taéfakalao 2015 pea ne tali ia he loto ki ai á e toko 15 pea íkai ha fakahaloto ki ai.

Hili á e lau hono ua ó e Lao Fakaangaanga ne kole é he Fakafofonga Tongatapu Fika 4 ke tukuhifo ki he Komiti Kakato.

Ne hoko atu ai pe ki he lipooti Folau Fika 6 á e Éiki Sea pea ne fokotú u ke tali pea ne loto ki ai e toko 19.

Ne hoko atu ai pe ki he tohi fakaafe Folau ki he Konifelenisi Fakavahaapuleánga ki he Fakakaukauí ó e Famili ki Ínitonesia.

Ne meá mai e Fakafofonga Nopele Fika 1 ó Vavaú á e mahu’inga ke ngaueáki ó e ngaahi nima ngaue ki he ngaahi folau pehe ni pea óku íkai ke ne fakaíkaií é ia e taau mo e taukei á e Fakafofonga Nopele ka óku totonu pe ke áve ki he ngaahi kautaha hange ko e Family Health.

Ne meá mai mo e Fakafofonga ó Tongatapu 2 ó ne fehuía koeúhi ko e ngaahi folau ia á e Fakafofonga Nopele ia óku haú fakahangatonu mai pe ia ki ai he ko e totonu ke ómai á e fakaafe ki he Éiki Sea. Ne hoko atu ki he Fakafofonga ó Tongatapu 9 fekauáki mo éna folau mo e Fakafofonga Nopele ki he fakataha í Ínitonesia ‘a ia ne fili ai á e

Fakafofonga Nopele ó Niua ke Sea í he Komiti ki he Gender. Ne poupou ai pe á e Fakafofonga ke meá á e Fakafofonga Nopele í he fakataha ko eni.

Ne fakamamafaí é he Éiki Sea óku fiemaú ia ke fakamahino é he Houéiki Memipa ki he ngaahi kautaha óku nau fakalele ha fakataha ke fai fakaha ki he ngaahi kautaha ni ke fai mai e fetuútaki ki he Éiki Sea. Ne meá mai mo e Fakafofonga Nopele Fika 2 ó Vavaú á éne tokanga koeúhi ko e fakatuásila mai e folau ia ki he Memipa ka ke fakafoki ki he ngaahi kautaha ni ke fakatu’asila mai e fakaafe ki he Éiki Sea ó e Fale Alea.

Ne poupou mai e Palemia ki he folau á e Fakafofonga Nopele pea ne toe poupou ki he meá á e Fakafofonga Nopele ó Vavaú ke fakatuásila mai e folau ki he Éiki Sea.

Ne hoko atu ki he Fakafofonga Fika 4 ó Tongatapu á éne hohaá ko e niíhi óku nau fetuútaki hangatonu pe nautolu ia ki muli ó kole ke fakaafeí mai nautolu.

Ne Palotií e fakaafe folau pea ne tali ia he loto ki ai á e toko 18 pea ne íkai ke loto ki ai e toko 1.

Malolo Pongipongi>>>>

Ne liliu ai pe Fale Alea ó Komiti Kakato pea ne kamataáki ha fakamaálaála é he Minisita Lao á e Lao Fakaangaanga (Fakatonutonu) Ki he Ngaahi Hia 2015. Ne meá á e Minisita ko e fakakakato pe eni ó e lao. Ne me’a á e Minisita ko e kole eni ne fai mei he Fakamaauánga ke fakakakato á e Lao ko eni. Ne meá mai e fakafofonga Nopele ó Niua ó ne fehuí pe óku hanga e he Lao ko eni ó cover pea moe ngaahi kaihaá ngaueáki e ínitaneti.

Ne fakaha é he Fakafofonga ó Vavaú 15 fekauáki eni mo e ngaueáki ó e kaihaá pea ne hao e tokotaha ia naá ne fakafofongaí koeúhi ne fakahu pe paánga ia ki he account.

Ne meá á e Fakafofonga óku feúnga pe á e Lao lolotonga ia. Naá ne kole ke tuku atu ke toki vakai ha taimi ámui ange. Ne meá mai e Fakafofonga Nopele Fika 1 ó Tongatapu éne tokanga ki he Kupu 2 ki he konga “mo e koloa kehe óku íkai malava ke ala ki ai óku lava ke kaihaási”. Ne fehuía é he Fakafofonga Nopele pe é malava é he Potungaue Polisi ke nau fai e talatalaaki koeúhi he óku íkai kenau mateuteu í hono teuí kinautolu í he malaé ó e ICT.

Ne fokotuú ai é he Fakafofonga Nopele fefee ke ómai ha tautea ke fakaha mai ke kehekehe mo e kaihaá óku ngaueáki á e initaneti.

Ne meá mai e Minisita Lao ó fakamaálaála ko e lao ko eni ko e tali ki he tekinolosia pea ne teéki ai ke faú e lao ia ki ai. Ko e tanaki mai eni ia ki he Lao ke malava é he fakamaau ó fakahoko éne ngaue kae malava ke fakakakato é he fakamaauánga hono fatongia.

Ne meá mai e Fakafofongha Nopele ó Niua ‘a ‘ene poupou ki he Minisita pea ne tui ki he fakakaukau ka óku ósi ha pe ia í he copy right mo e Computer Crimes Act pea ne kole fakamaálaála ai pe mei he Minisita. Ne meá mai e Minisita óku fekauáki kotoa á e ngaahi Lao. Ne hoko atu ai pe ki he Fakafofonga ó Tongatapu 4 á éne fakamaálaála á e kotoa ó e Lao. I heéne aú mai ki he kupu 144. Ne poupou mo e Fakafofonga ó Tongatapu 9 ki he lao ko eni ó ne fakamalo ki he puleánga hono ómai kei taimi ó e lao ko eni.

Ne Palotií á e Lao Fakaangaanga (Fakatonutonu) ki he Ngaahi Hia 2015 pea ne tali ia he loto ki ai á e toko 15 pea íkai loto ki ai e toko 1.

Malolo Hoáta>>>>

Ne liliu pe Fale he hu mai he ósi e Ílo hoáta ó Komiti Kakato pea ne hoko atu ki hono fakamaálaála ó e Lao Fakaangaanga (Fakatonutonu) ki he Fakamaauánga.

Ne palotií á e Lao Fakaangaanga (Fakatonutonu) ki he Fakamaauánga 2015 ó talui í he loto ki ai á e toko 10 pea íkai ha fakaha loto.

Ne hoko atu ai pe ki he Lao Fakaangaanga (Fakatonutonu) ki he Fakamoóni 2015. Ne fehuía é he Fakafofonga Fika 4 ó Tongatapu koeúhi ko e íkai ke toe fiemaú ha kaunga fakamo’oni ki ha tokotaha ne fakahoko ki ai ha tohotoho tukukehe pe á e fakamooni á e tokotaha vikitima pe ko ia ne fai ki ai e hia.
Hili ha fakamahino mo fakamaálaála á e Minisita Lao ne fiemalie á e Fakafofonga Fika 4 ka ne íkai ke loto e Fakafofonga Fika 15 ó Vavaú ki he liliu ko eni áki éne tui ke kei tuku pe Lao he ko e fatongia ó e talatalaaki ke ne fakamoóni á e tukuakií.

Ne meá mai e Fakafofonga Nopele ó Éua ó pehe óku ne tui ke kei nofo pe he tu’unga lolotonga tautautefito ki he hopo sula koeúhi ko e fiemaú ko ia e tuúnga ó e mamahi. Pea óku fiemaú ki he ongo tafaáki ke na fakahoko atu éna tafaáki pea óku íkai totonu ke tau faú ha Lao ke ne hanga ó uesia á e totonu faka-fakamaauánga mo e totonu á e mamahi pea ne kole ki he puleánga óku teéki ai taimi ke fakahu mai e lao ko eni.

Ne hoko atu ki he Fakafofonga Nopele ó Niua ó pehe óku fakamonuka á e kupu 4 ó e Konisitutone é he kupu ko eni he óku ne fakafaikehekeheí é ia e kakai e fonua mo e Fale Alea. Naá ne kole fakamolemole ki he Minisita Lao na’a pehe oku íkai ke nau poupou ki he langa fonua ka óku ne tokanga pe ki he tuúnga fakalao.

Ne meá mai e Palemia ki heéne tokanga ki he lao ko eni he ko e faingataáía á e fakamaauánga pea íkai ke ne fakaíkaií á e totonu á e mamahi mo e talatalaaki ka óku ne tokanga ko e pelepelengesi á e faáhinga hia ko eni pea óku totonu ke fai ha falala ki he fakamaauánga.

Ka ne fakaha mei he Fakafofonga ó Vavaú 15, óku fai pe falala ia ki he fakamaauánga ka ko e fatongia ó e talatalaaki ke fakapapauí ke ope atu hono fakamoonií ó ha hopo.
Ne hoko atu e meá á e Minisita Lao ko e hia ko eni óku pelepelengesi pea kapau óku ongoí é he Fale óku tonu ke ki’i toloi pea é íkai ke fakafepaki e puleánga ia. Ne fakaha é he Fakafofonga ia ó Tongatapu 4 óku ikai ke ha í he lao ni ia pe óku tapu ke ua á e fakamoóni. Naá ne fakatataáki á e tokotaha ne ósi fai ai e hopo ne fiemaú é he fakamaau ke ngaueáki pe fakamoóni é taha koeúhi ko e faáhinga hia ko eni óku fai ia he feituú oku íkai ke toe í ai ha taha.

Ne hoko atu á e Fakafofonga Nopele ó Éua ki heéne feinga ke taukaveí kuo ósi í ai e ngaahi keisi ia he fakamaauánga ne fiemaú ia ke tomuá fakamoónií pea fakafalala pe ia í he fakamoóni á e tokotaha pea ne kole ai pe ke fakamaálaála mai é he Minisita.

Ne meá mai e Minisita óku í ai e ngaahi keisi é niíhi he fakamaauánga óku fiemaú ke ua e fakamoóni pe lahi hake pea í ai e hopo é niíhi ne fiemaú pe ke taha pe á e fakamoóni he óku feinga eni ke fakafaingofua e ngaahi fatongia ó e kau fakamaau.

Ne tali ke holomui á e fo’i Lao ko ia í he loto ki ai á e Puleánga . Lao Fakaangaanga (Fakatonutonu) ki he Fakamaauánga 2015.

Ne hoko atu ki he Lao Fakaangaanga (Fakatonutonu) ki hono Puleí ó e Ngaahi Faitoó Taéfakalao 2015. Ne fehuía e he Fakafofonga ó Tongatapu fika 4 á e liliu ko ia mei he áonisi é taha ki he kalami e 28 pea kapau é sií he kalami é 28 ko e ha e meá é hoko ki ai.

Ne fakamaálaála mai leva é he Minisita Paánga ko e áunisi é taha óku tatau ia mo e kalami é 28. Ne toe fehuí e he Fakafofonga kapau é maú ha faitoó ia sií hifo he 28 ko e ha leva e meá é hoko ki ai.

Ne meá atu á e Sea ó e Komiti Kakato ‘o fakamaálaá ko e faitoó ko ia sií hifo he kalami é 28 é moúa ia paánga é 5 afe. Ne fehuí é he Fakafofonga Nopele ó Éua fefe kapau e fakatou ngaueáki pe á e kalami mo e áunisi he óku kei ngaueáki fakamamanilahi pe á e ongo fua ko eni.

Ne meá mai á e Fakafofonga Nopele Fika 3 ó Tongatapu ke óua muá é ngaueáki á e pehe ko e fiemaú mei Nuúsila mo Áositelelia. Naá ne toe hoko atu ai ne totonu ke fai ha tokanga ki he ngaueáki e átosi mo e mihi e penisini.

Ne fehuí e Fakafofonga Nopele Fika 1 ó Haápai ó ne poupou ki he fokotuú á e Fakafofonga Nopele ó Éua ke ngaueáki fakatouósi á e ongo íuniti fua ko eni. Ne meá mai e Minisita Tanaki Paánga Hu Mai ko e meáfua ko eni óku ósi tali ia é he puleánga ke tau ngaueáki e metuliki.

Ne meá mai e Minisita Paánga ko e fakatonutonu pe eni ki he founga ne ósi tali í he lao. Ka ne fehuía é he Fakafofonga Nopele Fika 1 ó Vava’u pe ko hai óku mafai lahi taha ki ha faito’o konatapu. Ka ne fakamaálaála é he Fakafofonga ó Vavaú 15 ko e fiemaú ke tatau e tuú étau lao he kapau é liliu é toe fiemaú ke liliu mo e ngaahi lao kehe.

Ne kole Fakafofonga Kakai ó Tongatapu 4 ke ómai e tefitoí Lao mo e kupu óku liliu. Ne fakamaálaála mei he Fakafofonga Nopele ó Haápai ne tonu ke fakaha mahino mai é he fakamatala á e úhinga ó e liliu.

Ne palotií pea ne tali he loto ki ai a e toko 13 pea íkai ha fakahaloto.

Malolo Efiafi>>>>

Ne hoko atu ai pe ki he lipooti ááhi faka-Fale Alea á e Vahenga Tongatapu 1. Ne meá mai e Palemia ka ko e Fakafofonga ó Tongatapu Fika 1 ó ne fakamaálaála e fokotuútuú ko ia á e Vahenga Tongatapu 1 mo e ngaue éne Kosilio. Ne fakamaloía é he Palemia e Siasi ó Sisu Kalaisi ó e Kau Maónióni e Ngaahi Áho ki Mui ni mo e Fakafofonga Nopele Fika 2 ó Vavaú ko énau tokoni mo e langa ngaue í he vahenga Kolomotuá. Naá ne meá ko e palopalema óku meimei tatau kotoa pe ia mo e ngaahi vahenga kehe pea ko e palopalema lahi taha óku fehangahangai mo e vahenga ni ko e tafea.

Ne hoko atu e Palemia óku fai e sio ke áve ha konga e Sipoti ó e Pasifiki Tonga ki hono Vahenga. Ne hoko atu ki he Fakafofonga Nopele ó e ongo Niua éne fakamaloía e ngaue mo e fiemaú ke fakamaálaála ki he kosilio á Kolomotuá.

Ne tokanga á e Fakafofonga Nopele Fika 1 ó Vavaú ki he íkai ke kau ha komiti lotu he ngaahi komiti ngaue á e Vahenga he ko e senita ó e lotu hange ko Moúnga Saione óku tuú ia he Vahenga ó e Palemia.

Ne tokanga á e Fakafofonga ki he hohaá á e kakai ki he kau Ésia óku nau nofo mo fakalele falekoloa pea ko e hohaá pe óku fai ha ngaue ki ai. Ko e hohaá koeúhi óku ósi í ai pe lao ia ki ai ka koe fiemaú ke fakahoko. Ne fokotuú mei he Fakafofonga ó Tongatapu 9 ke fai ha polokalama fakalelei fakafonua koeúhi ko e lahi á e kaihaá mo e faihia. Ne fakamamafaí é he Fakafofonga á e fiemaú ke fai ha fakalelei maáe fonua ke tau foki ó Tonga pe á Tonga he kuo kamata ke molia á e fakaápaápa mei he kakai e fonua. Ne fokotuú é he Palemia ke toloi á e paloti í heéne lipooti kae fai haane tali ki he lahi e kaihaá mo e faihia.

Ne liliu ó Fale Alea pea toloi ai pe ki he pongipongi Tusite ko hono 21 í Ókatopa.

TOLOI E FALE ALEA KI HE ÁHO TUSITE 21 Ó ÓKATOPA 2015 Í HE TAIMI 10:00AM.
FALE ALEA

Go to top