Hoko atu e ngāue ‘a e Komiti Kakato ki he Ngaahi Tu’utu’uni na’e tukuhifo mei he Fale Alea

Kuo tali ‘e he Komiti Kakato ‘a e Ngaahi Tu’utu’uni ‘e tolu mei he feme’a’aki ‘i he ‘aho ni.

Na’e kau ki heni ‘a e Tu’utu’uni Fika 10A/2026: Ngaahi Tu’utu’uni ki he Ngaahi Kautaha 2025, Tu’utu’uni Fika 11A/2026: Ngaahi Tu’utu’uni ki hono Lesisita ‘o e Hingoa ‘o e Ngaahi Pisinisi 2025 mo e Tu'utu'uni Fika 3A/2026: Tu'utu'uni ki he Sino'i Pa'anga 'a Tonga ki he Feliuliu'aki 'o e 'Ea 2026.

Ko e ngaahi Tu’utu’uni kuo tali ko e konga ia ‘o e ngaahi ngāue na’e tukuhifo mei he Fale Alea ki he Komiti Kakato pea na’e tali ia fakataha mo e ngaahi fakatonutonu.

Na’e me’a ‘a e ‘Eiki Palēmia ‘o Tonga, Lord Fakafanua ‘o fakamalō’ia ‘a e kau Memipa ‘o e Komiti Kakato ‘i hono tali ‘a e ngaahi Tu’utu’uni ‘a e Pule’angaʹ.

Ko e feme’a’aki ‘e hoko atu pe ‘i he Komiti Kakato ke fakakakato ‘a e ngaahi ‘asenita ngāue kuo tukuhifo mei he Fale Alea.