Ko ho le'o, Ko ho kaha'u - Kau mai ki he Fale Alea 'a e To'utupu 2024

Ko ha talavou pe finemui Tonga koe ‘oku ke fie tokoni ki he kakaí mo ho komiuniti? Ko ha faingamālie ‘eni ke ke kau mai ki he Fale Alea ‘a e To’utupu ‘a Tongá. Fakahū mai ha’o tohi kole ki he ngaahi sea ko ’ení;

Ko ho'o faingamālie ‘eni ke ke hoko ko ha le'o ma'a e to'utupu 'o Tongá. ʻI ho'o hoko ko ha Mēmipa 'i he Fale Alea Toútupu, te ke lava ʻo:

• Taukaveí mo fakamamafa’i e ngaahi kaveinga mahu'inga ki he to'utupu Tonga
• Fakahū mo aleaí e ngaahi lao ʻoku ne uesia e moʻui ‘a ho kaungāfonongá.
• Ngāue fakataha mo e kau takí ke fakafehokotaki ‘a e toʻutupú mo e kau fai tu’utu’uni e fonua.
• Maʻu ha ngaahi taukei ngāue fekauʻaki mo e founga fakatemokalati mo e ngaue faka-Fale alea.
• Hoko ko ha tokotaha taki lelei mo fakatupunga ha ngaahi liliu lelei ki Tonga

Ko e ngaahi makatuúnga, kuo pau keke ‘i he vaha’a ‘o e ta’u motu’a ko e 14-34 pea ko ha tangata’i fonua Tonga koe. ‘Oku ngata ‘a e ngaahi tohi kole kotoa pē ‘i he Falaite, 23 ‘o ‘Aokosi, 2024.

Ko e founga, fakafonu pe ‘a e foomu kole ‘oku hā atu heni, pe ko ho’o vakaí ki he ’emau peesi Fale Alea. Ki ha toe fiema’u ‘o ha ngaahi fakaikiiki, fetuútaki kia Veronica ‘i he ‘imeili – veronica.heimuli@parliament.gov.to pe telefoni ko e 24455.

‘Ko e Kaha'u 'Oku Kamata Heni – Kau mai ki he Fale Alea á e Toútupu’