FAKANOFO ‘A E ‘EIKI SEA ‘O E FALE ALEA ‘O TONGA MO HONO TOKONI

‘Ofisi ‘o e ‘Eiki Sea ‘o e Fale Alea ‘o Tonga
Fale Alea ‘o Tonga
Nuku’alofa
Tel: +676 27912/24455|www.parliament.gov.to|P.O Box 901|Nuku’alofa, Tonga

ONGOONGO TUKU ATU

FAKANOFO ‘A E ‘EIKI SEA ‘O E FALE ALEA ‘O TONGA MO HONO TOKONI

Kuo fakanofo ‘e he ‘Ene ‘Afio Kingi Tupou VI ‘a ‘Eiki Nōpele Vaea, Fakafofonga Fika 2 ‘o e Hou’eiki Nōpele ‘o Tongatapú, ko e ‘Eiki Sea ‘o e Fale Alea ‘o Tonga ‘o fakatatau ki he Konisitutone ‘o Tongá. Ko e hoko atu ‘eni ‘e ‘Eiki Nōpele Vaea ‘a e fatongiá meia ‘Eiki Nōpele Fakafanua ‘a ia na’e fakanofo ‘aneafi ko e Palēmia ‘o Tongá.

Na’e toe fakanofo ‘e he ‘Ene ‘Afio Kingi Tupou VI ‘a ‘Eiki Nōpele Tu’iha’angana, Fakafofonga Fika 2 ‘o e Hou’eiki Nōpele ‘o Ha’apai, ko e ‘Eiki Tokoni Sea ‘o e Fale Alea ‘o Tonga.

Ko e tohi fakanofo ‘o e ‘Eiki Sea mo e ‘Eiki Tokoni Sea ‘o e Fale Aleá, kuo fakamafai’i pea fakamo’oni huafa ki ai ‘a ‘Ene ‘Afio, pea na’e kamata ngaue’aki ia mei he ‘aho 18 Tīsema 2025.

‘Oku kakato heni ‘a e fakanofo ‘o e ongo lakanga taki ‘o e Fale Aleá ki he to’u Fale Alea fo’oú hili ‘a e Fili Lahí ‘o e 2025.

Tuku atu ‘e he Kalake Pule ‘o e Fale Alea ‘o Tonga
'Aho 19 'o Tisema 2025