Ma’u ‘e he ‘Ofisi ‘o e Sea Fakataimi ‘o e Fale Alea ‘a e Tohi Fokotu’u hono Ua ‘o ha Kanititeiti ki he Palemia Fil

‘Ofisi ‘o e ‘Eiki Sea Fakataimi ‘o e Fale Alea ‘o Tonga
Fale Alea ‘o Tonga
Nuku’alofa
Tel: +676 27912/24455|www.parliament.gov.to|P.O Box 901|Nuku’alofa, Tonga

ONGOONGO TUKU ATU

Ma’u ‘e he ‘Ofisi ‘o e Sea Fakataimi ‘o e Fale Alea ‘a e
Tohi Fokotu’u hono Ua ‘o ha Kanititeiti ki he Palemia Fili

‘Oku fakahā heni ‘e he ‘Ofisi ‘o e Sea Fakataimi ‘o e Fale Alea ‘o Tonga na’e fakahu mai ha toe tohi fokotu’u ‘o ha Kanititeiti ki he Palemia Fili ‘i he ‘aho ni ,Pulelulu 10 ‘o Tisema 2025. Ko e fokotu’u Kanititeiti Palemia Fili ‘aki ia hono ua kuo fakahū mai.

Fakatatau ki he ngaahi founga ngāue ‘a e Fale Aleaˊ, ko e fakaikiiki ‘o e ngaahi tohi fokotu’uˊ ‘e toki fakahoko atu pē ia ‘e he Sea Fakataimi ‘o e Fale Aleaˊ, Lord Tangi ‘o Vaonukonuka, ‘i he fakataha ‘a e Hou’eiki Fakafofonga Fale Aleaˊ ke fili ‘a e Palemia Fili.

‘Oku toe fakapapau’i pe foki mei he ‘Ofisi ‘o e Sea Fakataimi ‘oku kei ‘ataa pe ‘a hono fakahū mai ‘o ha ngaahi fokotu’u Kanititeiti ki he Palemia Fili, ‘o a’u ki he taimi 4.30 pm ‘o e ‘aho Falaite 12 ‘o Tisema 2025.

Tuku atu ‘e he Kalake Pule ‘o e Fale Alea ‘o Tonga
'Aho 10 'o Tisema 2025