Kuo Fakahu Mai ‘a e Fuofua Tohi Fokotu’u ‘o e Kanititeiti ki he Palemia Fili

‘Ofisi ‘o e ‘Eiki Sea Fakataimi ‘o e Fale Alea ‘o Tonga
Fale Alea ‘o Tonga
Nuku’alofa
Tel: +676 27912/24455|www.parliament.gov.to|P.O Box 901|Nuku’alofa, Tonga

ONGOONGO TUKU ATU

Kuo Fakahu Mai ‘a e Fuofua Tohi Fokotu’u ‘o e
Kanititeiti ki he Palemia Fili

‘Oku fakahā heni ‘e he ‘Ofisi ‘o e Sea Fakataimi ‘o e Fale Alea ‘o Tonga ‘a hono fakahu mai ‘a e fuofua Tohi Fokotu’u ‘o ha Kanititeiti ki he Palemia Fili ‘i he ‘aho ni, Tu’apulelulu 4 ‘o Tisema 2025.

Fakatatau ki he ngaahi founga ngāue ‘a e Fale Aleaˊ, ko e fakaikiiki ‘o e ngaahi tohi fokotu’uˊ ‘e toki fakaha pē ia ‘e he Sea Fakataimi ‘o e Fale Aleaˊ, Lord Tangi ‘o Vaonukonuka, ‘i he fakataha ‘a e Hou’eiki Fakafofonga Fale Aleaˊ ke fili ‘a e Palemia Fili.
‘Oku kei ‘ataa pe ke fakahū mai ha toe ngaahi tohi fokotu’u kanititeiti ki he Palemia Fili, ‘o ngata ki he taimi 4.30pm ‘o e ‘aho Falaite 12 ‘o Tisema 2025.

Tuku atu ‘e he Kalake Pule ‘o e Fale Alea ‘o Tonga
4 Tisema 2025