Contact Us
Subscribe to alerts
Follow Us on Facebook
Watch
Listen
Sitting Calendar
Fale Alea ‘o Tonga
Fakaafe ki he Polokalama Talatalanoa (Public Consultation) fekauʻaki mo e
Lao Fakaangaanga Fika 5/2026: Lao Fakaangaanga ki he Fokotuʻutuʻu ki he Sipoti ʻa e Pasifiki 2026
ʻOku ʻoatu ʻa e fakaafe ki he kakai ʻo e fonuá ke kau mai ki he Polokalama Talatalanoa (public consultation) fekauʻaki mo e Lao Fakaangaanga Fika 5/2026: Lao ki he Fokotuʻutuʻu ki he Sipoti ʻa e Pasifiki 2026 (Pacific Games Organization Bill 2026).
Naʻe fakahū mai ʻa e Lao Fakaangaangá ni ʻe he ʻEiki Minisitā ki he Ngaahi Ngāue Fakalotofonuá, Hon. Fane Fotu Fituafe.
ʻI he ʻaho 8 ʻo Sepitema 2026 naʻe tukuhifo ʻa e Lao Fakaangaangá ni ki he ngaahi Kōmiti ko ʻení:
- Kōmiti Tuʻumaʻu ki he Ngaahi Meʻa Fakasōsialé (Sea ai ʻa Hon. Dr. ʻAlani Tangitau)
- Kōmiti Tuʻumaʻu ki he Paʻanga (Sea ai ʻa Hon. Dr. ʻAisake Valu Eke)
- Kōmiti Tuʻumaʻu ki he Laó (Sea ai ʻa Hon. Piveni Piukala)
Naʻe tuʻutuʻuni ʻe he ngaahi Kōmiti ko ʻení ke tuku atu ʻa e Lao Fakaangaangá ki he kakai ʻo e fonuá ke fakahoko ha Polokalama Talatalanoa ʻo fakatatau ki he Tuʻutuʻuni 131 ʻo e Ngaahi Tuʻutuʻuni ʻo e Ngaahi Fakataha ʻa e Fale Aleá (“Tohi Tuʻutuʻuni”).
ʻOku tuku atu ʻa e fakaafe ki he kakai ʻo e fonuá ke kau mai ki he Polokalama Talatalanoá ʻa ia ʻoku fakaikiiki atu ʻi he tēpile ʻi laló:
Polokalama ʻAho mo e Taimi Fakaikiikí
| Polokalama | 'Aho mo e taimi | Fakaikiiki | |
| 1. |
Ngaahi fokotuʻu tohí (written submissions) ke fakahū mai ʻi he lea faka-Tongá pe. |
Kamata he 28 Sepitema 2026 – Ngata he 2 ʻOkatopa 2026, taimi 4:30pm |
ʻOku fakaafeʻi atu kimoutolu ke mou fakahū mai ha fokotuʻu ʻi he ngaahi founga ko eni:
|
| 2. | Polokalama Felāfoaki he Letiō | Tuʻapulelulu 1 ʻo ʻOkatopa 2026, taimi 12:30pm – 1:30pm |
|
| 3. | Polokalama Talatalanoa (public consultation) | Falaite 2 ʻo ʻOkatopa 2026, taimi 2:00pm |
Fakahoko ki he Sentiā Fakatahaʻanga ʻo Faʻonelua:
|
Puipuituʻa ʻo e Lao Fakaangaanga Fika 5/2026: Lao ki he Fokotuʻutuʻu ki he Sipoti ʻa e Pasifiki 2026 (Pacific Games Organization Bill 2026)
Ko e taumuʻa ʻa e Lao Fakaangaanga ni ke fokotuʻu ʻa e fokotuʻutuʻu fakangaue (organizational structure) ki he Sipoti ʻa e Pasifiki 2031 ʻe fakahoko ʻi Tongá ni. ʻOku fakataumuʻa pe ke ngaueʻaki ʻo aʻu ki he fakaʻosinga ʻa e Sipoti ʻa e Pasifiki ʻo e 2031. Ko e taimi pe ʻe kakato ai, ʻe fakapekia leva ʻa e Lao Fakaangaanga ni.
ʻOku fokotuʻu ʻe he Lao Fakaangaanga ko ʻeni ʻa e Komiti Fokotuʻutuʻu (Organization Committee) pea ʻoku ne fokotuʻu ʻa e ngaahi tuʻutuʻuni kehe ʻoku fiemaʻu ʻe he Kosilio Sipoti (Games Council) — ʻo tatau ai pe pe ʻi he aleapau ke fakahoko (host contract) pea ʻi he Tohi Faʻunga ʻo e Sipoti ʻa e Pasifiki. Ko e lahi taha ʻo e ngaahi kupu ʻi he Lao Fakaangaanga ni ʻoku fakamālohia ia ʻo fakatatau ki he fiemaʻu ʻa e Kosilio ʻo e Sipoti — ko e ngaahi tuʻunga ia ʻo e maʻu ʻe Tonga ke fakahoko ʻa e Sipotí. Ko e ngaahi fiemaʻu ko ʻení ko e makatuʻunga angamaheni pea ʻoku hilifaki ia ki he ngaahi fonua kehe kuo foaki ki ai ʻa e Sipoti ʻa e Pasifiki ʻi he ngaahi taimi kimui ni mai.
Ki ha toe fakaʻekeʻeke pe fiemaʻu fakamaʻalaʻala, kataki ʻo fetuʻutaki ki he fika telefoni 24455 pe ko hoʻo aʻu tonu mai pē ki he ʻOfisi ʻo e Fale Alea ʻo Tongá ʻi he taimi ngāué.
Tuku atu mei he:
Kōmiti Tuʻumaʻu ki he Ngaahi Meʻa Fakasōsialé;
Kōmiti Tuʻumaʻu ki he Paʻanga; mo e
Kōmiti Tuʻumaʻu ki he Laó
ʻAho 28 ʻo Sepitema 2026