FALE ALEA ʻO TONGA

ONGOONGO TUKU ATU

TEUTEU KE FAKAHIFO (UNSEAT) MEI HE FALE ALEA HA TOE MEMIPA FALE ALEA KEHE ‘E TAHA 

Kuo maʻu ʻe he ʻEiki Sea ʻo e Fale Aleá, Lord Fakafanua, ʻi he ʻaho 6 ʻo Mē 2022 ʻa e Tohi Fakamoʻoni ʻa e Fakamaauʻangá ʻo fakahā hono fakataʻeʻaongaʻi ʻi he Fakamaauʻanga Lahí ʻa e fili ʻo e Fakafofonga Fale Alea ʻo Tongatapu 4, Tatafu Toma Moeaki, ʻi he fili Fale Alea ne fakahoko ʻi he ʻaho 18 ʻo Novema 2021. Ko e ola eni ʻo e hopo ʻa Moeaki ko e kole tuʻunga ʻi he fili (election petition), ʻi he hia ko e totongi ke fakalotoʻi (bribery).

Makatuʻunga ʻi hono fakataʻeʻaongaʻi ʻe he Fakamaauʻanga Lahí ʻa e fili ʻo e Fakafofongá ni, ʻoku tuʻutuʻuni ʻe he Lao ki he Fili Fale Aleá kuo pau ke fakahifo (unseat) ʻe he Fale Aleá ʻa e Fakafofongá ni mei hono sea ʻi he Fale Aleá. ʻE fakahoko ʻa e fakahifo ko iá ʻi he fakataha ʻa e Fale Aleá ʻe fakahoko ʻi he ʻaho 16 ʻo Mē 2022. Ka hili iá, ʻe lau leva kuo ʻatā ʻa e sea ʻo Tongatapu 4 ʻi he Fale Aleá, pea ʻe tuku atu leva ʻe he ʻEiki Sea ʻo e Fale Aleá ki he Komisoni Filí ʻa e tohi fakangofua ke fili ha Fakafofonga foʻou maʻa Tongatapu 4. ʻE toki femahinoʻaki ʻa e ʻEiki Seá pea mo e Komisoni Filí ki he ʻaho ke fakahoko ai ʻa e fili ʻo e Fakafofonga Fale Alea foʻou maʻae Vahenga Filí ni.

 

Tuku Atu ʻi he Fakangofua ʻe he Kalake Pule ʻa e Fale Aleá
ʻAho 9 ʻo Mē 2022
ʻOfisi ʻo e Fale Alea ʻo Tonga, Nuku’alofa, Tonga

 

LEGISLATIVE ASSEMBLY OF TONGA

PRESS RELEASE

 

AN ADDITIONAL MEMBER OF PARLIAMENT ALSO TO BE UNSEATED FROM THE LEGISLATIVE ASSEMBLY OF TONGA

 

The Lord Speaker of the Legislative Assembly, Lord Fakafanua, received Court Certification on 6
May 2022, which confirmed that the elections in the 18 November 2021 General Election of the Parliamentary Representative for Tongatapu 4, Tatafu Toma Moeaki, has been voided by the Supreme Court of Tonga. This is the outcome of judgement on the election petition that was brought against Moeaki on charges of bribery.

The Legislative Assembly is required under the Electoral Act to unseat the Member of Parliament from his seat in the Assembly, due to his elections having been voided by the Supreme Court. The unseating will be carried out at the Assembly’s meeting to be held on 16 May 2022. Once unseated, the seat in Parliament for Tongatapu 4 will be vacant. The Lord Speaker will then issue the writ for election of a new Representative for Tongatapu 4. The date for the election of the new Representative for the constituency will be determined by the Electoral Commission in consultation with the Speaker.

 

 

Issued by the Chief Clerk of the Legislative Assembly
9 May 2022
Office of the Legislative Assembly, Nuku’alofa, Tonga

Go to top